Sykkel

SV vil legge til rette for meir sykling. Sykkel er eit av våre mest effektive og miljøvennlige transportmiddel, særleg i byområda. Skal vi nå det klimavenlege nullutslippssamfunnet må vi legge til rette for at fleire syklar. Det skal bli enklare å bruke sykkelen som transportmiddel i kvardagen og elsykkelen har gjort målet enklare å nå. Vi vil legge til rette for syklande og gåande framfor biltrafikk.

SV sine forslag til løysingar:

• Prioritere syklande og gåande framfor bilen.
• Bygge fleire samanhengande og fråskilte gang- og sykkelvegar.
• Sørge for betre vedlikehold av gang- og sykkelvegane, gjennom heile året.
• Premiere kommunar som satsar på sykkel.
• Forenkle vikepliktsreglane for sykkel.
• Fjerne parkeringsplassar der dei kjem i konflikt med utbygging av sykkel- og gangvegar.
• Ha betre skilting og oppmerking av gang- og sykkelvegar.
• Setje ned fartsgrensene på vegar der mange syklar, og førebyggje ulykker og skadar gjennom auka hjelmbruk, betre sykkelopplæring og informasjon og endra trafikkreglar.
• Stille krav om sikker sykkelparkering ved knutepunkt, offentlege stader, bustadområde og arbeidsplassar til lokale styresmakter og private utbyggjarar.
• Sikre gang- og sykkelvegar langs nasjonale turistvegar.
• Ikkje tillate private aktørar å leige ut el-sparkesyklar utan etter avtale med kommunen.