Arbeidsmiljølova

SV jobbar for eit arbeidsliv med trygge rammer og små lønnsforskjellar. Me treng ei solid arbeidsmiljølov for å demme opp for det skeive maktforholdet på arbeidsplassen. Den som er tilsett er meir sårbar enn den som tilsett.

Høgre- og Frp-regjeringa har svekka arbeidsmiljølova. Det har ikke skapt fleire jobbar, men gitt eit meir utrygt arbeidsliv. SV vil difor forsterke arbeidsmiljølova og sikre at flest mogleg er fagorganiserte.

SV vil:

• Reversere svekkingane som blei gjort i arbeidsmiljølova i 2015 og styrke arbeidstakarane sitt vern ytterlegare.
• Sikre eit klart skilje mellom jobb og fritid, gjennom å forsvare normalarbeidsdagen.
• Sikre lovfesta og reell rett til heiltid.
• Få dei kommersielle bemanningsbyråa ut av arbeidslivet. Vikarbyrå skal berre vere tillatte i visse tilfelle, slik regelverket var før år 2000.
• At kollektiv søksmålsrett om innleige av arbeidstakar frå bemanningsføretak blir gjeninnføyrt.
• At Arbeidstilsynet skal få heimel til å kontrollere bruken av innleige og sanksjonere dei som bryt lova.
• Iverksetje og styrke tiltak for å redusere diskriminering og rasisme i arbeidslivet.
• Ha norske arbeidsvilkår i norske farvatn og på norsk sokkel.
• Styrke vernet av varslarar og innføre eit nasjonalt varslarombod.
• At tilsette i varehandelen skal bli omfatta av arbeidsmiljølovas avgjerder om natt- og sundagsarbeid.
• At reguleringa av sundagsopne butikkar blir overhaldt og oppretthaldt.
• At krava til å dokumentere behovet for allmenngjering av tariffavtalar blir redusert.
• Sikre det kollektive forhandlingssystemet og forsvare streikeretten.