Friluftsliv er svært viktig for mange menneske i Norge. Gjennom friluftslivet vert folk glad i naturen, og det er bra for folkehelsa. Det offentlege må derfor legge til rette for at alle som ønskjer det, skal ha god tilgang til naturen.
Allemannsretten er eit viktig prinsipp i Norge. Han sikrer folk rett til et aktivt friluftsliv. SV har derfor fremmet forslag om at allemannsretten skal grunnlovsfestast. For å ha et godt friluftsliv med rike opplevingar er vi nøydd til å ta vare på naturen, fordi det er grunnlaget for friluftslivet.
SV vil:
- Grunnlovsfeste allemannsretten.
- Sikre tilgang til friluftsliv for alle. Personar med nedsatt funksjonsevne skal ha god tilgang til friluftsområde i heile landet, friluftsliv skal ha ei viktig rolle i integreringspolitikken, og skulen skal sikre at alle barn og unge får oppleve norsk friluftsliv og natur.
- Bruke mer av spelemidlane til anlegg for friluftsformål og friluftstiltak for born og unge, og auke støtta til friluftsorganisasjonene og friluftsråda.
- At alle kommunar skal ha ei ordning for gratis utlån av turutstyr, i kommunal eller frivilleg regi.
- Ruste opp stiar, turvegar og gang- og sykkelvegar. Turisthyttene skal prioriterast framfor utbygging av private hytter i område der hyttebygging må begrensast.
- Opprette fleire nasjonalparkar blant anna nasjonalpark i Østmarka og Preikestolen.
- Ta vare på eventyrskogane gjennom vern av minst 10 prosent av den produktive skogen i Noreg.
- Utarbeide ei lov som sikrar etablering av utbyggingsgrenser rundt større byar, for å ivareta dei nære naturområda.
- Prioritere stille natur. Ro er ein viktig del av friluftsliv og naturopplevingar. Motorisert ferdsel i utmark skal vere strengt regulert. Det samme gjeld bruk av vannscooter.
Se også Naturvern
Del dette 
