Friluftsliv
Friluftsliv er svært viktig for mange menneske i Norge. Gjennom friluftslivet vert folk glad i naturen, og det er bra for folkehelsa. Det offentlege må derfor legge til rette for at alle som ønskjer det, skal ha god tilgang til naturen. SV ønskjer derfor ein aktiv friluftslivspolitikk som tar vare på viktige friluftslivsområder,
tilrettelegg for alle og utveklar attraktive aktivitetstilbod for folk.
Allemannsretten er eit viktig prinsipp i Norge. Han sikrer folk rett til eit aktivt friluftsliv. SV har derfor fremma forslag om at allemannsretten skal grunnlovsfestast. For å ha eit godt friluftsliv med rike opplevingar er vi nøydd til å ta vare på naturen, fordi det er grunnlaget for friluftslivet.
SV vil:
- Grunnlovsfeste allemannsretten.
- Sikre tilgang til friluftsliv for alle. Personar med nedsatt funksjonsevne skal ha god tilgang til friluftsområde i heile landet, friluftsliv skal ha ei viktig rolle i integreringspolitikken, og skulen skal sikre at alle barn og unge får oppleve norsk friluftsliv og natur.
- Styrke arbeidet med etablering av eit nettverk av tilrettelagte turruter i heile landet, og se dette i samanheng med bygging av gang- og sykkelvegar.
- Bruke meir av spelemidlane til friluftsformål og friluftstiltak for born og unge, og auke støtta til friluftsorganisasjonene og friluftsråda.
- Støtte utlånssentralar for gratis utlån av turutstyr, i kommunal eller frivilleg regi.
- Opprette fleire nasjonalparkar som Østmarka og Preikestolen, og utvekle en nasjonal nasjonalparkplan.
- Ta vare på eventyrskogane gjennom vern av minst 10 prosent av den produktive skogen i Noreg.
- Utarbeide ei lov som sikrar etablering av utbyggingsgrenser rundt større byar, for å ivareta dei nære naturområda.
- Prioritere stille natur. Ro er ein viktig del av friluftsliv og naturopplevingar. Motorisert ferdsel i utmark skal vere strengt regulert.
- Sterkt avgrense kommunenes adgang til å gi dispensasjonar frå byggeforbudet i strandsona.
- Erstatte luftspenn av straumkablar med sjøkabling dersom dette er betre for naturmangfald og friluftsliv.