Atomvåpen

Atomvåpen har grusomme humanitære konsekvensar, og eksistensen deira bidreg til ei meir utrygg verd. Dei siste åra har nedrustinga stoppa opp, og atommakter som Russland, Storbritannia og USA utvikler nye atomvåpen.

SV meiner Noreg må jobbe systematisk for ei atomvåpenfri verd. Eit avgjerande middel for å oppnå dette er FN-traktaten som forbyr atomvåpen. Ein høg prioritet for SV i neste stortingsperiode vil være at Noreg signerer og ratifiserer traktaten, og bidreg til at fleire land gjer det samme. Noreg var pådrivaren for å få på plass forhandlingane om eit internasjonalt forbod under den raudgrøne regjeringa. No er det på tide at Noreg tar tilbake rolla som ein pådrivar for ei verd utan atomvåpen.

SV vil:

• At Noreg signerer og ratifiserer FN-traktaten som forbyr atomvåpen, og jobbar for at fleire land gjer det same.
• At Noreg løfter fram dei humanitære konsekvensane av atomvåpen i FN og andre internasjonale forum.
• Gjere Noreg til atomvåpenfri sone gjennom å grunnlovsfeste forbodet mot atomvåpen på norsk jord.
• Krevje garantiar for at militære fly og fartøy som opererer i norsk farvatn og luftrom ikkje ber atomvåpen.