Forside Møt Solfrid Lerbrekk i Haugesund og Stavanger Møt Solfrid Lerbrekk i Haugesund og Stavanger
Publisert av: lasse.eriksen.bjorn
Publisert: 19. oktober 2017
Oppdatert: 19. oktober 2017
Lesetid: ca. 1 min
SV har lagt bak seg ein fantastisk valkamp, og me har fått mange nye medlemmer. I Rogaland har me no meir enn 700 medlemmer - det er det høgaste medlemstalet på over 10 år. Dessutan er SV tilbake på Stortinget frå Rogaland! No inviterer me nye og gamle medlemmer til Haugesund 9. november og Stavanger 13. november.
Nye medlemmer er spesielt inviterte. Sympatisørar, andre interesserte og SU-medlemmer er sjølvsagt også hjarteleg velkomne. Her kan du møta vår nye stortingsrepresentant Solfrid Lerbrekk, saman med mange hyggelege SV-folk. Det blir tid til drøs og å bli kjent, og dessutan vil Solfrid fortelja om viktige politiske saker framover.
Haugesund torsdag 9. november kl. 17.00:
Samlinga i Haugesund er i loftsetasjen på Gamle Slaktehuset Allaktivitetshus i Strandgata 70, og startar med servering av suppe kl. 17.00. Deretter blir det innlegg frå Solfrid og sjanse til å stilla spørsmål. Samlinga blir avslutta ca. kl. 20.00. Er du medlem i Haugesund, Tysvær, Karmøy, Vindafjord, Suldal, Sveio eller Sauda, eller kjenner tilhøyr til nordfylket av andre grunnar, passar denne samlinga best for deg.
Stavanger måndag 13. november kl. 19.00:
Samlinga i Stavanger er i andre etasje på Café Sting, Valberget 3, og startar kl. 19.00. Det blir innlegg frå Solfrid, og du er velkommen til å stilla spørsmål eller ta opp saker du er opptatt av. Er du medlem i Eigersund, Hå, Time, Klepp, Gjesdal, Sandnes, Stavanger, Sola, Randaberg, Rennesøy, Finnøy, Kvitsøy, Strand, Hjelmeland eller Forsand, eller av andre grunnar kjenner for å koma til Stavanger, passar denne samlinga godt for deg.
Velkommen!